Zrugg zu Juli bis September 2025, wiiter zu Januar bis März 2026.

Wiehnachtlichi Stimmig isch uufcho, womer durd Eucalyptus Street in San Carlos gloffe sind: E ganzi Strass wo alli Huusbsitzer sich selber überträffed mit CRAZY Belüchtig!!
Am 24. simmer in Süde losdüset und hends ah eim Tag bis Santa Barbara gschafft :) Scho e meeega schöni Gägend mit all denne Palme. Het eus gad biz ah eusi Ziit in Hawai'i erinneret <3 Die paar Täg in Santa Barbara und Pismo Beach sind wunderbar gsi und het guet tueh, mal als Family of 3 furt und Ziit gnüsse :-)

Zwüsched dem coole Trip und Neujahr isch nüm viel spektakulärs passiert, zumindest hemmer kei Bildli devo :) Kaffi mit Sevi und Claire, und de unspektakulärsti Silvester siti denkä cha :‘)

Wiehnachtsstimmig chunnt langsam uuf; S'Wätter isch meistens gruselig chalt und rägnerisch - dine dementsprächend gmüetlich :) De Chlii het oft FOMO und isch die täg biz schwieriger zum is Bett tue :D

Nöd sehr e spektakuläri Wuche. De Termin ih de Stadt am Fritig isch jedoch wichtig gsi; glii chunnt de Jayvi so ä sin Schwiizer Pass über :) Samstig und Sunntig isch seeeehr frisch gsi... drum isch s'Thema meh socialize gsi, als Abentür :P

Am Mäntigmorge hämmer ih de Stadt en Termin gha am 8:30, drum simmer früeh uf und los. Ohni Stau simmer ih 45 min det gsi. De Termin isch priima Verlaufe. S'einzig Unvorherseebare: En Blowout vom Jayvi. Esoo, das all sini Chleidigsstuck, plus s'Hemd vom Papi voll gsi sind :'D. Das het dezue gfüert, dasmer no churz en Halt gmacht hend in San Mateo, bevor mer uf Palo Alto sind.

Am Zistig hend mer eus müsse vo dem gestrige Tag, beziehigswiis vo de Ahspannig devor erhole - de Chlii het 2h Mittagsschlaf gmacht. 

Hends denn gad uf de Sunneuntergang gliich no usegschafft und das het sich glohnt. So schön gsi! En richtig guetä Tag.
Wills duss so schön gsi isch, simmer am Mittuwch Nami ufd Idee cho, dasmer ja chönnted ines Kaffi laufe, damit de Fäbe vo det chli cha schaffe und d'Jasi cha es Buech läse... am 3:20pm hemmer bstellt. 3:52pm isch gsi wo de Chälner gseit het "No 8 min hemmer offe"-.-

Es Telifon mit eusnä reidende Fründe het de Tag abgrundet :)
De Jayvi het am Dunnstig mitem Max abgmacht... lustig gsi! In Redwood Citiy hemmer am Fritigabig zum Znacht abgmacht, nachdem mer vom Mark Nachber en Zitrone Tart, und vo de Vermieter dunne drüüviertel vondere Pecan-Nuss-Turte gschänkt becho hend... fascht kei Hunger me gha :D

6. Dezember isch zwar da nöd wükli Samichlaus-Tag, mir hends trotzdem zu eim gmacht und hend de Santa troffe!
En wunderbare Coastalwalk am Sunntig het denn die gueti Wuche perfekt abgrundet<3

Thanksgiving Week :-) Die letstä Jahr isch das mega speziell gsi, will de Fabian abem Dunnstig frei gha hät und mer eus es langs schöns Wuchenend gmacht hend. Das Jahr ischs biz anderst: De Fäbe het nöd mal am Dunnstig richtig frei und willmer am Mäntig en wichtige Termin hend, ischs ä schwierig zum am Wuchenend z'entspanne - dementsprächend lowkey ischs Programm gsi; Samstig Mori Point, Sunntig Sealpoint Walk :-)
Thanksgiving isch jedoch super gsi! Hend s'Privileg gha, zum mit de Family vode Alyssa und am Eddie es Fäschtässe zgnüsse! Mega schön gsi :)

Am Mittwuch hemmer scho de nächst Bsuech dörfe in Empfang näh; d'Rahel, eusi Insel-Fründin <3 Mit ihre het d'Jasi de Mittwuch und Dunnstig verbracht. Vom Fritig bisam Sunntig isch ä de Jake und de Fäbe debi gsi und mer sind Santa Cruz und d'Umgebig go erkunde!

E Wuche wo wiedermal wie im Flug duregange isch. S'Wätter isch besser gsi als ahgseit und drum simmer am Samstig uf Pacifica und am Sunntig uf Redwood City. :)

Bsuech! So exciting! S'Gotti Jara und d'Tante Laura hend de Weg uf sich gnoh zum eus drüü cho z'bsueche :D Es isch sehr e geniali Wuche gsi wo so guet tue hät <3 Am Samstigabig sinds ahcho und mer sind no go Znacht ässe, am Sunntig simmer uf Pacifica go Zmörgele und hend denn no eini vode letstä Pumpkin-Farms ufgsuecht :D Am Mäntig hemmer die guet Luft ih de Muir Woods gnossä und d'Goldengate Brugg bestunet. S'Wätter am Ziistig in Palo Alto hät sich ä nöd lumpe lah und nacheme feine Zmittag in Alpine Inn hemmer eus bim Stanford-Rundgang eine abgschwitzt^^ Während de Still-Pause im Verve hets ahfah zue tue und mer hend so schnell wie mögli versuecht heicho im Fiirabig-Verkehr - trotzdem es paar Minute verspötet bim Topgolf ahcho :P
De rägnerisch ahgseiti Mittwuch isch gar nöd so rägnerisch gsi, und trotzdem hemmer en ih de Great Mall in Milpitas verbracht :) 

Möglichst glii hemmer am Dunnstig wellä los, so dasmer in Sonoma sicher no en feine Mandelgipfel bechömed! Het zum Glück klappet! De Plan mit de Winerys isch jedoch nöd so ufgange; de Chlii isch gar nöd so Willkomme wenns sich nöd gad um e Family Friendly Winery handlet -janu. Im Elm House hemmer am 4i ihcheckt, ufd Cookies gwartet, denn eus en Drink uf em Archer Rooftop gönnt, bevor mer im Allegria en Saal für eus becho hend :D De Fäbe het leider nöd chönne mitchoo und isch dehei am schaffe gsi...

De Fritig het mit feinem Zmorge gstartet, denn simmer in Target go Ihchäuf erledige, hend nachher en wunderschöne Hike gmacht und sind wiedermal im Fiirabigverchehr heidüset. Zum Glück het de Fäbe lieb Znacht vorbereitet :) <3
Brunch am Samstig, denn en Spazier zum Coyote Point und zum Schluss vom Tag no s'Highlight; NHL Spiel in San Jose!
De Sunntig erneut gmüetlich ahgange, uf Halfmoon Bay, Bagel to go, en Spaziergang und dehei truurig Abschied näh will die Wuche wiieder mal im Flug verbii isch und die zwei Schätz schowieder heimünd :(
Im Dezember hani aber für jede Tag es Adventskalender-Törli woni vo ihne cha ufmache :D

De Jayvi und d'Jasi sind viel underwegs gsi mit Stroller-Date am Mittwuch, weekly Playdate am Dunnstig und denn no es Kaffi Date mitme andere (neue) Mami am Fritig :D Halloween isch s'Wuche-Highlight gsi :)) und natürli de Bsuech wo am Samstigabig cho isch!<3

Geburi Wuche :) Am Mäntig hemmer viel Telifon gha, all zimli sponti. Am Zistig isch de Chlii rächt ahhänglich gsi und mer hend ussert d Fertigmischig für d'Geburi-Guetzli vom Papi nöd viel anebracht. De Mittwuch Morge isch ganz im Zeiche vom Chinderarzt Termin gstande wo viel länger gange isch als mer denkt hend^^ Die 4 Sprützene hend de Jayvi richtig under de Tisch ghaue und de Rest vom Tag het er Contact Naps brucht. Am Geburi-Dunnstig denn wieder viel Telifon, en Spaziergang am Fiirabig und no is Mykonos fein go Znacht ässe! :) 
De Znacht am Fritig hemmer ufem Parkplatz in Hillsdale gässe (Sushi vom TJ), während dem de Chlii zwingend no het müsse gstillt werde vor de Heifahrt :D Und au am Samstig hemmer öppe einehalb Stund im Auto verbracht mit ihm Stillä; vor und nachem Shopping Center :) Grossi Wälle sind am Sunntig ahgseit gsi, drum simmer uf Pacifica. Bi Pancakes und heisser Schoggi hämmer eus wieder ufgwärmt, scho biz garstigs Wätter gsi. De Rest vom Tag hemmer no gnutzt zum go poste in Costco und Target... und denn het de Fäbe die feinste Burger selber teigged! :D<3

Mir hend eus vorgnoh, dases kein Baby-Blog git, aber er isch halt scho immer debii und momentan es biz fotogener als mir ;) 

Wieder biz Routine… De Fabian isch ahfangs Wuche weg gsi, aber da s‘Mami scho alles putzt het und die zwei no sind go ihchaufe für mich, hani mitem Jayvi chönne gnüsse und sii :)

Churztrip nach Sonoma und Russian River, es biz San Francisco und en truurigä Abschied :(… Bis bald Nene & Neni, WE ♡ YOU!