Zrugg zu Januar bis März 2026.

D'Wuche bevor mer für 3 Wuche dörfed Bsuech in Empfang näh und die letst ganz Wuche ih dere Wohnig ih de USA, womer eus s'erstä mal "dehei" gfühlt händ. Dementsprächend verlömmer das Apartment miteme lachende und me brüelende Aug... Aber bevor mer scho gönd, hemmer no e cooli Wuche gha - vorallem s'Wuchenend isch sehr gmüetlich gsi :) Ahja; momentan beschäftigt eus s'Thema "schlaf" vom Chliine, das isch die Wuche ä mal cool und au mal nöd so cool gsi :P

Die Sprüng wo de Jayvi vo Wuche zu Wuche macht! Zum Zueluege als Elterä isch das wüki s'Gröscht! :D Weiss nöd wasi no meh söll dezue schriebe :)

D'Wuche vode FIRSTS! :) S'erst mal obe im Wägeli - Huii macht das s'Poste eifacher!! und entli hani mal Platz im Wagä :-D Denn am Ziistig im Park mit em Ozzy und de Jordan s'erst mal Dräck ässe und am Abig tatsächlich s'erst mal chrüüche! Hät wohl öppis im Dräck gha, haha. 8 Mönet und 1 Wuche alt. Mega aktiv underwegs ischer aber nonig, er muss glaub zerst no usefinde daser ez rein theoretisch überall wür anecho :P Z'erst ischer under de Tisch, denn hetter es Chlötzli gfunde und gmerkt, dass das schöni Musig git wemmers as Tischbei haut. De Chübel im Badzimmer hätter äscho usgruhmt, sus aber no nöd viel Seich gmacht mitem neue Skill :)
Iiiswürfel finded er anschinen ä super - vlt will glii die erstä Zähnli chömed?
Sitem Samstig isch de chlii Maa Helm-frei - mir freued eus all drüber! De Babybrunch isch MEGA gsi und mer freued eus riisig uf de Alyssa und am Eddie ihres Meitli! :D<3 Will mer am Samstig doch recht volls Programm gha hend mit Los Altos, Costco, Palo Alto, simmer de Sunntig gmüetlich ahgange.

Mir hend die Wuche festgstellt, dass Eltäre sii vome vercheltäte Chind zimli viel stränger isch als wenns gsund isch! Mir wend eus uf kein Fall beklage und sind froh isches 8 Mönet gange bismer s'erstmal hend müsse zum (After-Hour-)Chinderarzt... will natürli, chunnt s'Fieber erst nachdem de normali Chinderarzt Fiirabig het, haha. S'Medikament woner becho hät, hät guet ghulfe, aber d'Vercheltig sälber schleicht er bi s Endi Wuche no nah.
De Jayvi isch 8 Mönet alt worde, am Samstig simmer bi Rägewätter id IKEA und am Sunntig hend eus die einte Fründe zude TunnelTops id Stadt ufeglockt. De Wäg isch recht ahsträngend gsi, aber de Usblick vo dem wunderbare Park uf dem mackellose Rase isch unttopbar gsi! Zum duss nochli laufe, simmer in Burlingame vorne denn go es Glace hole als Vorspiis vorem Znacht :P

S'erst mal ime Balle Bad bim Playdate in Hillsborough - de Chlii hät Freud gha :) Sus gits nöd viel meh z'säge zu dere Wuche - gmüetlichs Wuchenend und Sache erledigt :) De Jayvi chan zwar nonig chrüche, chunnt dem ganze aber immer nöcher :D

S'Wätter isch ä bi eus wieder biz frischer und am Wuchenend hets sogar so richtig fescht grägnet! Mir hend s'Best drusgmacht, hend gwäsche, Sache erledigt, Wohnige ahgluegt und sind uf San Jose go Jeans shoppä für de Fäbe :)