Zrugg zu Oktober bis Dezember 2025, wiiter zu April bis Juni 2026.

Jayvi: Die Wuche hani entli wiedermal en Abig mitem Papi ellei gha!! S'Mami isch furt und ich und de Papi hend zämme chönne Seich mache, Znacht ässe und Büechli läse :D <3

Eine vo mine bestä Fründe het am Samstig sini Geburtstagsparty gha, mini erst Party! Isch super gsi, glaub vorallem ä für d'Elterä :)

Am Sunntig hend mer mini Elterä zum zweite mal versproche, dasmer id Palo Alto Badi gönd - und wieder simmer wieder weggfahre ohni is Wasser z'gah :D Leider händs überhaupt nöd dra denkt, dass d'Badi ah Oster Sunntig chönnt gschlosse sii.. haha, die Läuch. Sie hend sich gschwore, dasmer nüme abefahred bevor mer nöd ahglüte hend obs offe händ^^ D'Burlingame Schuel-Badi hets ä taah, obwohls nöd ganz so chillig gsi isch zum "chli sii", iich han freud gha! :)
De Abig hemmer mit em Sevi und de Claire im Mykonos Resti gnosse - ich han sones herzigs Gschänkli vo Hawaii becho und bin aber so schnell ihgschlafe nach dem Namittag im Wasser.

S'Läbe isch guet <3 Vorallem wenn mer im März scho chan id Badi! Mir hend e priima Wuche gha mit viel Sunne. Und will da d'Ziitverschiebig scho ume isch, gnüssemer richtig dases am Abig wieder lang hell isch! Herrlich :)

Die Wuchene flüged eim nume so umd Ohre! Vorallem wenns so richtig schön summerlich sind! Mer sind viiiel dusse, da gfallts miir (Jayvi) am bestä. Egal ob im Park, am Beach oder vorem Huus, hauptsach dusse! Langsam hani au de Jetlag usgschlafe und mich wieder dra gwöhnt dasi nüme de Mittelpunkt bin - wie die 2.5 Wuche ih de Schwiiz... scho nöd ganz soo cool, aber ich glaub selbständig spiele dut mir amel ä guet :P

Zum Glück hämmer d'Wösch no in Hiwil chönne wäsche, öppis weniger wo muss gmacht werde :-) Aso Termine wahrnäh, ihchaufe, zrugg id Routine cho und de Jetlag uusschlafe! S'Wätter isch GENIAL - drum simmer am Samstig bide Sarah, em Moe und em Max an Pool! Sunntigmorge d'Stüüre erlediget und am Nami an Strand - nöd ganz so schön wie in Hawaii aber wenigstens Sand ;)

Am 19. Februar, churz bevor er 6 Mönet worde isch, het de Jayvi sin erstä interkontinental Flug hinder sich bracht - ab id Schwiiiiiz!
Organisatorisch mumer scho biz ah meh Sache denkä mit some chliine Knirps debi; Wie chunnt mer an Flughafe ohni Chindersitz? Wie machemer das mit allem Gepäck und em Kinderwage bim Gate ufgäh? Wie macht mer das mit de Milch dur de Security Check und alles so Sache :) 

Wills en Nachtflug gsi isch, het er hauptsächlich pfuuset und isch eifach ufgwacht zum stillä. In Züri am Flughafe hend nebt de Jasi ihre Family no Fründe vom Fäbe gwartet - sehr herzig :D 
De Jetlag het de Jayvi lang wach sii lah und eus entsprächend ää. Het gad passt mitem Fäbe sim Arbets-timing, das isch nemmli WestCoast Ziit. D'Ziit ih de Schwiiz isch wunderschön und extrem verplant gsi! Mer hend kein einzige Tag nüüt gha... das het mit de Ziit ah eusem Immunsystem zerrt und de Fäbe hets gnoh^^

Dankä ah alli liebä Lüüt wo sich Ziit für eus usegnoh händ - so mega schöön zum wüsse was mir für geniali Fründe und Familie hend ih de Schwiiz <3 Und au Dankä ah eusi Hosts wo eus Babybettlis und Chinder-Hochstuehl inkl. Hüeti-Service zur Verfüegig gstellt hend ;)

Au s'Wätter het sich nach de erste 3 Täg vo sinere bestä Siite zeiget mit viel Sunneschie und früehligshafte Temperature!
De krönendi Abschluss isch de Jasi ihre Geburi gsi, und denn am Abig am 8i eusi Flug-Annulierig :O Het am Fäbe no es paar graui Haar kost, defür het er eus d'Sitzplätz bim Bassinet im A380 vo Münche nach SFO gsicheret! +4h Reiseziit - das chan ja heiter werde, hämmer denkt. Isch denn nöd mal halb so wild gsi, will de Jayvi öppe 4/5 vo de ganze Ziit uf de Flugis pfuuset hät. :D

2mal Schwümme, en Arztbsuech, Bibliothek Storytime für Babies und mis letste Träffe mit de Lieblings-Mum-Fründin de Sarah während ihrem Mueterschaftsurlaub. Viel los gsi! Am Samstig simmer entli mal wieder biz go hike; im Castel Rock State Park - super schön gsi! Leider het de Fäbe am Sunntig müsse schaffe und d'Jasi het ellei an "Spielzüg-Tuusch" Event vom Elterä Club müsse gah... Im Nachhinein isch das vilicht aber gad guet gsi, sus hetti bestimmt nöd so viel Spiielzüg dörfe heinäh, haha! De Jayvi freuts uf jedefall und er isch happy am Tummytime mache siter di neue Sache hät :D No chli go entspanne in Park am Nami und mitem Harry Potter Buech eis faaaascht fertig worde, denn isch de Jayvi ihgschlafe :( :P

Isch euse ersti Januar ih dere Gägend bis jetzt. Euses Fazit: S'Wätter isch (trotz denne paar Rägetäg) wüki nice! Am Sunntig simmer im T-Shirt go laufe :D So wunderbar gsi!

Wieder e Wuche schnäller ume als eus lieb gsi isch :) Bi eus isch d'Schlecht-Wätter-Front verbii und mer chönd scho fascht wieder mitem T-Shirt umelaufe - herrlich! :D 

Waaaaaas? Wie isch das Jahr schowieder ume?! Voreme Jahr hemmer no in Hawaii gwohnt, de Jayvi isch Heidelbeer-Grössi ih mim Buuch gsi und de nöchst Bsuech vo de Schwiiz isch grad cho :D Jetzt hemmer en chliine Knirps wo s'erstmal feschti Nahrig isst und gönd nachenand go Surfe :) Euses Läbe isch guet und voll und mir sind happy und dankbar <3